feierei

skål, nastarovie, salud, cheers, cheerio, santé , prost!

so hät's öppä a jedem zweitä obed tönt letscht wuchä, wil schliesslich do d'final week agschtande isch. und die hät gebührend gfiiret werdä müessä. final week hät allerdings nid nur party, party bedüted, sondern au final-exams. wil d'europäer scho währendem semeschter relativ guet drbi gsi sind, hämer üs do nümä so vil gedanggä drüber müessä machä, wie einigi amerikaner.

uf all fäll simer guet ohni schtress-bewältigungs-seminar, wo do offiziell (kein scheiss) abotä wordä sind und offizielle weckdientscht, drmit mer jo kei prüefig verschloft, über dr rundi cho. üsers problem isch vil meh gsi, dass mer für die verglichswiis chliine abschlussprüefigä ir usa eher z'vil ziit zum lernä gha händ, und mer üs drum mit gym, tagelangem internet-surfä oder game im campus-eigetä spielsalon, händ müessä vertue. i gwüssem sinn jo au en art vo schtress. basketball vom uni-eigetä team isch au no agschtande und überraschenderwiis händ's sogar au no gwunne.


vil interessanter wär allerdings gsi, de cheerleader am spilfeldrand ir pausä chli gnäuer zuelueggä z'chönä, wil die (mol rein vom optische abgseh) anschinend mol d'nummer 1 vor nation gsi sind. us irgendwelchä umschtänd, wo wahrschindli nur en amerikaner verschtoht, deckt ez d'uni derä ihri insurance aber nümä, und drum isch nümä vil los mit schprüng und so, sondern nur no chli umehüpfetä. schad eigentlich...;)


wie au immer. chli ufraffä zum lernä hämer üs uf all fäll glich no chönä, und so gsehts glaub nid schlächt us, dassi zimli all kürs öppä mitem 1. buechschtabe vom alphabet han chönä abschlüssä. success! und do wird jo mol chli fiire zur abwechslig dineliggä.

d'schwede händ sich bi derä glägeheit als usgezeichneti gaschtgeber usegschtellt und händ ihri hütte meh als eimol zum partytempel umgschtaltet. köschtlich isches gsi. vor allem wo eine vo de beidä niklas denn no sini gitarrekünscht zum beschtä geh hät. sensational!


wie a jederä party hät natürli au ir letschtä wuchä ein song nid dörfä fehlä: soulja boy. wahrschindli öppä dr behindertschti track wo je e box verloh hät, aber ja. de schwarze gfallts uf all fäll, wie mer a de dance-performance, wo's denn amel uffüehret unschwer erkennä chan. so quasi macarena für schwarzafrikaner...

ah ja, näbscht all de tolle fiirerei hani wieder mol es erhebends hoorschniid-erläbnis gha, wie vilicht de ufmerksami beobachter uf de bilder chan erkennä. ich weiss nid, was de schwarz-barber mit sine riisige schwarze händ gnau hät welä zauberä. uf all fäll isch's denn nid ganz "just cut one inch" wordä. wie au immer...unterhaltsam isch's uf all fäll gsi.
und in flordia schiint z'wätter jo einewäg churzhoorfrisur-tauglich z'sii. obwohl's das au do ar gcsu öppä wieder isch. hüt sind locker-flockigi 25 grad verrussä gsi, sodass mer scho wieder die churze hosä hät chönä fürä neh. hoffemer das bliibt so.

morn stoht nachem us-checkä am 6i no es allerletschts mol party in milledgeville a und am mitwuch machemer üs denn uf z'sockä richtig jacksonville. vo det us denn richtig daytona beach, orlando, clearwater beach und so wiiter und so fort.


d'route, wo de jonas in bestechender handarbet zämegschtellt hät (siehe unten), gseht uf all fäll viilverschprechend us. s'highlight bildet zwiifelsohni wiehnachte in key wescht.

do unde gseht mer übrigens no d'reisecrew, wo jo mindeschtens so vilverschprechend wie d'route usgseht, sodass eigentlich nüt meh schief go chan.

tja, was chan mer so säge nach 4 mönet usa? bombe sach gsi bis ez, au wenn die ganz amerikanisch art z'schtudierä scho öppä mol chli gewöhnigsbedürftig gsi isch. aber mit "sich sälber us gruppe entloh", und chli meh schtudierä als d'amis (schprich vorher als 2 h vor dr eigentliche prüefig afoh) bini doch rächt guet über d'rundä cho.

d'lüüt woni do troffä han, hätted besser glaub nid chönä si, und milledgeville als stadt hät au schlimmer chönä si. schliesslich hämer z'memphis jo gseh, dass big nid unbedingt immer beautiful heisse mues...es eigets zimmer hani dankem uszug vom iraki nach 2 wuchä au z'erscht mol i mim studentäläbe gha...was wett mer meh. mol ganz drvo abgseh, dass mer bis ändi oktober händ chönä am pool liggä...;)


ja, es schtugg wiit isch schad, dass mer ez, womer eigentlich all lüüt känne würd, und wüsst, wie dr ganz charre lauft, goh muess. aber so isch's jo meischtens. alles hat ein ende nur die wurst hat zwei (http://www.stephan-remmler.de/Stephan%20Remmler/mp3/hackfleisch_version.mp3)!

well then, das wär's denn au gsi für's erschti mol mitem usa-studi-blog. mol luegä, öbi no drzue chum, währendem travellä ab und zue, öppis z'schriibä.

so long, take care!