arrival

soooo, ez wäremer also do. alles hät scho guet agfangä, i dem dr super air canada flüger anderhalb schtund z'schpot cho isch. aber anyway. im flüüger isch denn tatsach d'cousinä vom dave eggenberger vo unterterzä näbedmir ghogget. isch no easy gsi. z'toronto hät mi denn sone scheiss chinafrau absolut ignoriert, woni ha welä mis visum verlängerä, aber ja. china halt. denn bini vo toronto uf atlanta näbedme professor vonerä uni us georgia ghogget und de hät no rächt luschtigi sachä verzellt. langwilig isch uf all fäll nid gsi. drfür hät mi denn z'atlanta fascht dr schlag troffä, woni's empfangskomitee gseh han: dr eint hät gopfertelli genau glich usgseh, wie dr chris us family guy und dr ander chines hät sich grad en uuuuuhuerä burger um d'fressä umegschmiert. jaja, d'asiate sind rächt höch im kurs. nochher isch denn aber chli besser cho, wo dr zimbabwisch akon drzue cho isch. dr nigel. lago mio, der typ isch uhuerä luschtig. sini flugroute isch gsi: harare - london- frankfurt - new york - atlanta. de isch öppä 2 täg gflogä. sehr luschtig.

jaja, uf all fäll isch öppä 37 grad do und schtirbsch fascht. für all wo sich froget, wieso dassi no niemerm sms gschribä han: s'handy tuet do komischerwis rein überhaupt nid. also müender mer au nüme schribä. gibä die neui nummerä denn bi glägeheit mol durä. dr laptop tuet luschtigerwis au nid, wil dr sandro müller i sinerä exzellentä vorbereitig nid checkt hät, das genau s'laptop-kabel en anderä adapter brucht. gottseidank hät do min öschtrichischä nochbur im zimmer näbeddra au en acer-laptop und ez bruchi halt dem sis kabel, bisi sälber eis han. i mim zimmer isch en iraker, wo geschter nacht grad mol frauä-bsuech durägeh hät. denn hani denn aber bald mol gseit, so nid, liebä saddam hussein, gäll. jaja, mer erläbt rächt vil. bin gschpannt wie das no chunt. am afang isch mini schtimmig uf öppä gschätzte 0,0 gsi uferä skala vo 1 bis 100. aber langsam chunts.

d'fahne, womer am fritig no dur dr oberleutnant hengartner und d'soldate hobi und heidegger überreicht wordä isch hanget uf jedä fall scho.