boah...langeweile hat einen namen: milledgeville

pffffrrrr...so, 7 wuchä umä und langsam aber sicher merkt mer definitiv, dass mer nid in new york oder las vegas, sondern im gröschter huerä furzdorf sind: s'isch allne eifach nur no laaaaannnnggggwiiiiilllliiiiig!!!

inzwüschä kännemer würkli fang fascht jedä eckä vom campus, alli mögliche freizitaktivitäte (sofern mer die als solchi bezeichnä chan), jedi website zum üs ablängge. und leider gottes sind so zimli all zum schluss cho: milledgeville hät glaub leider gottes tatsächlich eifach nid meh z'bütä. aber was wetsch. mittlerwilä gseht dr tagesablauf under dr wuchä öppä folgendermassä us: ufschtoh, mails checkä, für d'vorläsige läse (haha, wortschpil), ad uni, heicho, für die nächscht vorläsig läsä, ässä, und das denn no 2 mol meh, bis entli obed isch. wider erwartä hät sich dr ufwand für die einzelne fächer doch au leider alls nid allzu chli usegschtellt, und drum chamer d'ziit zwüsche de vorläsige nid mol irgendwie mit schlofä oder so verbringä. amel ich nid. dr ösi chan das. aber de hät au weniger fächer.

uf all fäll hilft sich jedä uf sini art, zum gäg dr koller azkämpfe: dr ösi belohnt sich am mittwuch immer mitme bier für e wiiteri duregschtandni wuchehälfti. oder er liit wie gseit so lang wie möglich pro tag am pool und hät drum mitti wuchä fascht en afall übercho, wo's grücht ume isch, de werdi ez denn bald gschlossä (wird er gottseidank nonid). d'nele hät agfangä sponge-bob figurä vom wal-mart z'sammlä, wobi dr usflug am wuchenend zum chuglä-automat ir mall, wo de schwamm mit sine kollegä drihoggt, denn jewils dr höhepunkt vor wuchä darschtellt. de jonas schpilt fangs jedä obed fuessball, ja und ich...ich nörgle eifach so vil wie's goht und tröscht mi drüber hinweg, dass z'bern d'uni eh au wieder agfangä hät. guet, aber det hät mer wenigschtens nid underem semeschter sovil z'tue gha...:/ ja, ihr gsehnd scho, ich muess mer au do scho müeh geh, nid z'fescht z'jommerä.

anderersits freu mi au über jedi no so chlini abwächslig vom alltag, wie zum bischpil am ösi und mim iisatz am zischtig: nachdem do im dorm natürli scho allersits bekannt wordä isch, dass mer zwei profilierti klempner sind, hämer de japaner ihren hilferuef gern entgäge gnoh, und händ denä ihres abwasser-problem behobe. kei ahnig, was die gnau alles i ihrem siphon gha händ, glaub die händ welä hünd oder so im lavabo chochä. am gschmack a wär's amel möglich gsi. nach 7000 peace-zeichä und ai-ai's isch's denn das mol gsi mit highlight.

irgendwenn nach zwei doch au eher überraschend schwere multiple-choice prüefigä isch irgendwenn denn gottseidank dunschtig wordä. dunschtig hät wie immer wuchenend gheissä, und das isch das mol bi de spanier iglüüted wordä. nachdem de jonas bim versuech alkohol unverpackt im shuttle z'transportierä, z'erscht grad mol usem bus grüehrt wordä isch, und drum chli verschpöted iitroffä isch, simer denn irgendwenn mol ready gsi, für richtig downtown. d'japaner sind denn au no drzue gschtossä, wobi's denä denn aber glaub chli abglöscht hät, wo d'schpanier ihri salsa-, flamengo- oder was weiss ich was für tanz-künscht uspackt händ. und so simer denn halt chli dezimiert mol e anderi location als s'capital city go uscheckä. fazit: chunt in milledgeville nid druf a, womer am dunschtig hiischtüred, s'isch niened würkli besser. schade...

am 2 isch einewäg überall feierabend und so simer denn drfür usgschlofä gsi für dr friitig. um chli abwächslig inezbringä hämer nämli churzerhand es auto gmietet und sind uf macon id mall. säb hät sich denn tatsächlich uszahlt: d'damewält hät chum meh chönä laufä vor luuter abercrombie&fitch, hollister und american eagle züügs, wobi i dem ladä tatsächlich au dr ösi fündig wordä isch. und d'herräwält hät bim adidas-usverchauf wacker zuegschlagä. guet, wenn synthetik-shirts nur 7 dollar choschtet, wär das jo au dumm gsi, wenn nid...und schliesslich händ dr jonas und ich das zügs jo au brucht, ez womer im soccer-team denn jo karrierä mached...

zum das zügs go teschtä sind dr jonas und ich denn am obed no go soccer playe, wobi mer beid zum schluss cho sind, dass üsers team glaub definitiv nid unbedingt um dr meischtertitel mitschpielä chönä wird. s'mittelfäld beschtoht usem affe-club, und zwar us zambia, zimbabwe und kei ahnig welem buschdorf, und die type verschtönd teilwiis sovil vo fuessball, wie ich vo rägätänz. awful...aber jaja, chli zum kicke isch scho guet gnueg. d'amerikaner sind erstunlicherwiis nid allzu schlächt und wenn mer vilicht irgendwenn bis endi oktober no en goalie findet, chönt das glich no öppis werdä.

im prinzip hätti das wuchenend sone bombe werdä chönä (mol abgseh drvo, dassmer all no für prüefigä ir nächschtä wuchä hätted lernä müessä). nachem soccer isch nämli no e foam-party agseit gsi und jedä wo scho mol z'lloret, gran canaria oder weiss ich wo gsi isch, weiss was das bedüted. nicht so in milledgeville...

ich bi mi jo vo waleschtadt undem sarganserland einiges gwöhnt, was "schlächti usgangs-locations" betrifft. aber was ez die type do bim bobcat-village botä händ, hät ez willsgott eifach niemerd ohni 2 promill chönä ernscht neh. alkohol hät's übrigens einewäg keine geh, wil das zügs vor uni us organisier gsi isch. d'foam-party hät jedefalls usme 7 uf 7 meter grossä openair-gummi-bassin beschtandä, wo mit irgendwelchem gangster-sound beschallt wordä isch. kei ahnig, öb das ir usa normal isch. d'europäer händ's uf all fäll nid als normal empfundä und sind denn nachme augeschii wieder wiiter, bzw. hei. und das isch's denn au gsi mit wuchenend.

für all wo ez übrigens meinet, ich heig heiweh oder so: hani kei. hoff eigentlich au, dass do wieder chli meh party-schtimmig ufchunt, für öppis machi jo es uslandsemeschter. haha. aber schpötischtens i zwei wuchä isch jo sowiit: chicago. und sus isch au halb so schlimm. d'ziit rast au so wie verrugt: nächscht wuchä isch scho midterm, das heisst halbziit und leider gottes au zwüscheprüefigä. ja, und drum goht's ez wieder go lernä. für das bini mittlerwiilä au gwappnet für bis in alli nacht ine. nachdem dr 1. ufputsch-mittel chauf chli i d'hosä isch (vitamin D hilft offesichtlich nid so vil wie C...) und red bull öppä 2 dollar pro büx choschtet, han mi ir mall ideggt: vitamin c mit 1000 mg pro tablettä. wenn's mer ez nid ineflasht, weissi au nid...