ok, vilicht doch. am zischtig simer nachre churze fahrt vo yermo us in las vegas acho. iquartiert hämer üs im wahrschindli so zimli billigschte motel in vegas. oder ich wür uf all fäll behaupte das mitem beschtä priisleischtigs-verhältnis. s'zimmer isch ez nid grad im stil vonerä bellagio-suite gsi, aber für nid mol 10 dollar pro nacht und enerä entfernig vo grad mol öppä 300m vom strip, hät's do willsgott nüt z'nörglä geh.
nachem icheckä hämer üs grad ufgmacht, zum ebä de strip z'bewanderä und en erschtä iidruck vo "sin city" überzcho. relativ schnell hät sich denn usegschtellt, dass de strip chli länger gsi isch, als vo üs erwartet und so hät sich üserä nomittags-spaziergang schliesslich bis in obed usgwiitet. tschuld dodra isch aber nid nur d'längi vom strip gsi, sondern au d'casinos, wo glaub nachem prinzip "je länger eine hät zum usegfinde, desto besser" ufbaut worde sind. so hämer üs zum bischpil nach dr wahl vo eim vo de zahlrichä exits vom mgm grand imne hinderhof wiedergfunde...
gnau so zuefällig wiemer amel d'exits us de casinos gfunde händ, simer au immer wieder mol ad highlights in vegas herägloffä. im mgm grand händ's grad d'löiä im glaschäfig umeschpiilä loh, für d'pirate-show vom treasure island simer grad au rächtziitig cho und für's wasserspiel vorem bellagio hät's genau so knapp glanget wie dr vulkan-usbruch vorem mirage. schprich, mir händ am erschtä tag scho praktisch all gratis-shows chönä abhoggä, und üs i de folgendä täg voll uf's gamble chönä konzentrierä.
am nächschte tag hämer üs im excalibur welä drüber informierä, wie tüür d'usschtellig "bodies" (http://www.bodiestheexhibition.com/) eigentlich so isch. nachdem mer denn aber ei mol meh dur's ganz casino händ müessä dureschtüürä, hämer üs spontan entschlossä, die usschtellig doch grad z'bsuechä. sehr e gueti inveschtition gsi, sehr iidrücklich dr mänsch mol im detail z'gseh...;)
drnoh simer no die anderä casino-komplex, wo am strip so in marschwiiti gsi sind, go bsuechä. im luxor hämer üs denn wieder mol zimli überraschend im pool-bereich gfunde, womer dr usgang gsuecht händ, und sind denn nachme umweg über s'mandalay doch noch zum new york new york cho.
det händ dr heidi und ich denn am obed d'cirque de soleil-vorschtellig "zumanity" bsuecht. dr iitritts-priis isch meh als grächtfertiget gsi. rundum würkli e super show. dr steff und dr hengi händ underdessä s'gschparti itriitsgäld in black jack und roulette inveschtiert und gmeinsam simer denn no wiiter zogä. aber ebä, "what happens in vegas...". schlussendlich sind also all im budget bliibe, sodass keine vorziitig hät müessä d'heireis aträtte.
e falle hämer uf all fäll würkli e guet gmacht. also die drü type ufem bild unde dra. dr heidegger hät sich i sine vans-finke in usgang begeh, während mir üs andersch is zügs gworfä händ, zum en gambler-hafte iidruck z'erweckä. gnützt hät's aber trotzdem nid so vil, und nid nur a de bare hämer ein ums ander mol müessä d'id zückä.
det händ dr heidi und ich denn am obed d'cirque de soleil-vorschtellig "zumanity" bsuecht. dr iitritts-priis isch meh als grächtfertiget gsi. rundum würkli e super show. dr steff und dr hengi händ underdessä s'gschparti itriitsgäld in black jack und roulette inveschtiert und gmeinsam simer denn no wiiter zogä. aber ebä, "what happens in vegas...". schlussendlich sind also all im budget bliibe, sodass keine vorziitig hät müessä d'heireis aträtte.
e falle hämer uf all fäll würkli e guet gmacht. also die drü type ufem bild unde dra. dr heidegger hät sich i sine vans-finke in usgang begeh, während mir üs andersch is zügs gworfä händ, zum en gambler-hafte iidruck z'erweckä. gnützt hät's aber trotzdem nid so vil, und nid nur a de bare hämer ein ums ander mol müessä d'id zückä.
dr dunschtig obed isch schliesslich no dr letscht obed vom heidegger uf derä usa-reis gsi, und drum hämerem sin sehnliche wunsch no erfüllt und sind id s'hooters go ässe gange. zum guetä glück hämer zwei foti-apparät drbi gha, sus wär am endi no s'erinnerigsbild für dr rogi no fascht id hosä. aschlüssend hämer üs denn nachme bsuech vo downtown las vegas, also det wo das ganzi casino-zügs sin afang gnoh hät, bim dan marino sim restaurant no welä verköschtige loh.
dr alt-football-star hät vom hengi, steff und mir aber allesamt numä ungnüegendi note für sini chicken-wings übercho. nach fascht 3/4 schtund warte hämer irgendwelchi fettklöss an chnöchä übercho und vo hüehnerfleisch hät mer also nid würkli vil gseh. so nicht, dan marino! au nid für 25 cent s'schtugg...
dr alt-football-star hät vom hengi, steff und mir aber allesamt numä ungnüegendi note für sini chicken-wings übercho. nach fascht 3/4 schtund warte hämer irgendwelchi fettklöss an chnöchä übercho und vo hüehnerfleisch hät mer also nid würkli vil gseh. so nicht, dan marino! au nid für 25 cent s'schtugg...
wie au immer. mit dem mitternachts-snack simer natürlich usreichend gschtärkt gsi, zum dr heidegger am morge am halbi 7i zum flughafä z'beförderä. hät alles paletti klappet, und so simer schliesslich z'dritte wiiter richtig bryce canyon.
underwegs hämer no dr zion national park durquert und au no churz es rendez-vous mit dr police abghalte. üsers hervorragend gschauschpileret ahnigslosi "no" uf d'frog "you know why I'm stopping you...?" hät also wider erwartä nüt gnützt und so sind üs denn grad mol churz d'gschwindigkeitsreglä vom staat utah erchlärt worde. öppä 2 meile nachdem unfreiwillige zwüschehalt hättemer au no fascht es rendez-vous mitme reh, wo sich z'mitzt uf dr schtross breit gmacht hät, gha. und nomol öppä 10 meile wiiter mitme schuelbus, wo sini stoppschilder öppä 5 cm näbed üserem verbipreschendä toyota mitm michael schumacher am schtüür, ufgfederet hät.
d'fahrt isch also nid allzu langwilig gsi. ebe so wenig dr usblick sowohl im zion, als au im bryce canyon national park. fairerwiis hät üs de luschtig ranger im bryce canyon aber au säge chönä, dass grad mol öppä 1/4 vom park offe isch. in utah hät's nämli sicher öppä 40 cm schnee gha. aber iidrücklich isch's trotzdem gsi.
churz nachem bryce canyon hämer denn üsers expertä-wüsse bezüglich auto, gschwindigkeit usw. um e wiiters kapitel erwiiteret. idem mer nämli öppä 2 gallone benzin munter ufrä tankschtellä verschüttet händ. also hüt hämer tatsächlich so zimli alles geh, womer gha händ. luschtig isch's uf jedä fall gsi.
nach churzer wiiterfahrt hät sich bald mol zeigt, dass utah usser schneegeschtöber, chüeh und riisige felsformatione zwüschedem bryce canyon und salt lake city glaub nid allzu vil z'büütä hät, und drum hämer üs denn spontan entschiide, üs in richtig letschtgnannter stadt ufzmache.
nach insgesamt 11 schtund umechesslä, simer do ez schliesslich acho und werded die mormone-hochburg morn mol under d'luupe neh. allerdings nid, bevor mer nachem ufschtoh z'erscht drü rosechränz bätet händ...;)
no chline hiwiis an alli grosselterä und anderä läser: üserä reisetrupp hät bis ez also nonid dr koller übercho. las vegas isch bombe gsi, d'national pärk hüt sowieso, und s'wätter hät üs i de letschtä täg au nid im stich loh. mir chömed also nid vorem 18. februar hei...;)
underwegs hämer no dr zion national park durquert und au no churz es rendez-vous mit dr police abghalte. üsers hervorragend gschauschpileret ahnigslosi "no" uf d'frog "you know why I'm stopping you...?" hät also wider erwartä nüt gnützt und so sind üs denn grad mol churz d'gschwindigkeitsreglä vom staat utah erchlärt worde. öppä 2 meile nachdem unfreiwillige zwüschehalt hättemer au no fascht es rendez-vous mitme reh, wo sich z'mitzt uf dr schtross breit gmacht hät, gha. und nomol öppä 10 meile wiiter mitme schuelbus, wo sini stoppschilder öppä 5 cm näbed üserem verbipreschendä toyota mitm michael schumacher am schtüür, ufgfederet hät.
d'fahrt isch also nid allzu langwilig gsi. ebe so wenig dr usblick sowohl im zion, als au im bryce canyon national park. fairerwiis hät üs de luschtig ranger im bryce canyon aber au säge chönä, dass grad mol öppä 1/4 vom park offe isch. in utah hät's nämli sicher öppä 40 cm schnee gha. aber iidrücklich isch's trotzdem gsi.
churz nachem bryce canyon hämer denn üsers expertä-wüsse bezüglich auto, gschwindigkeit usw. um e wiiters kapitel erwiiteret. idem mer nämli öppä 2 gallone benzin munter ufrä tankschtellä verschüttet händ. also hüt hämer tatsächlich so zimli alles geh, womer gha händ. luschtig isch's uf jedä fall gsi.
nach churzer wiiterfahrt hät sich bald mol zeigt, dass utah usser schneegeschtöber, chüeh und riisige felsformatione zwüschedem bryce canyon und salt lake city glaub nid allzu vil z'büütä hät, und drum hämer üs denn spontan entschiide, üs in richtig letschtgnannter stadt ufzmache.
nach insgesamt 11 schtund umechesslä, simer do ez schliesslich acho und werded die mormone-hochburg morn mol under d'luupe neh. allerdings nid, bevor mer nachem ufschtoh z'erscht drü rosechränz bätet händ...;)
no chline hiwiis an alli grosselterä und anderä läser: üserä reisetrupp hät bis ez also nonid dr koller übercho. las vegas isch bombe gsi, d'national pärk hüt sowieso, und s'wätter hät üs i de letschtä täg au nid im stich loh. mir chömed also nid vorem 18. februar hei...;)
Keine Kommentare:
Kommentar veröffentlichen